كل واحد يقراها بطريقته بقي
أصل الانتخابات عندنا ف تلا غير اى دايرة ف البلد ... عندنا دمها خفيف حبتين
ماحدش عنده اتنين اخوات نازلين قدام بعض غيرنا. ده على حد علمي يعني
اللي هما ولاد السادات عفت وزين اللي هما اخوات طلعت السادات الاولاني نازل حزب وطني والتاني نازل حزب وداد جلبي
خناقات بقي وشتايم واتهامات ومسخرة وأدينا بنتفرج
مافيش شخصية محترمة نازل قدامهم غير مرشح الاخوان وهما اللي بيوزعوا البطاقات دى ع البيوت وعليها رقم القيد ومقر اللجنة وهدفهم واضح يعني وشريف دول عاوزين يستروا شادية وكل واحد وضميره بقي
صعبان عليا ادي صوتي لحد اخوان و البديل اللي مقتنعة بيه اني ابطل صوتي بدل ما يصوتوا بدالي وانا قاعدة ف بيتنا (يصوتوا عليهم ساعة ويسكتوا قريب يا رب )
اخي المواطن ..اختي المواطنة
صوتك امانة
كل واحد عليه واجب انه يروح يستر شادية يوم الحد دا أحنا ولايا بردو
وكل واحد يعمل اللي شايفه صح اما انه يصوت صح لحد مقتنع بيه او انه يبطل صوته المهم مانسيبووووووووووووش
هناك 6 تعليقات:
طيب حد يسترنا اخنا الاول
والله يعني بئا وبمناسبة ان دا أول تشريف لسياستي لمدونتك المتواضعه
أحب ادخل شمال كسرا للحواجز
شاديه لو حلوه ومألوظه يبئا من قبيل الهبل والعته والخيبه نسترها خليها كدا واللي ما يشتري يتفرج
لو وحشه ودا المتوقع برضو نسيبها عبره لمن يعتبر
dr.lectar
هو أحنا لينا غير ربنا ؟
مصري جدا
فعلا شرفت المطرح المتواضع
والله أنا خايفة نبقي أحنا اللي عبرة لمن يعتبر اكتر من كدة
السلام عليكم
من اهل الشهداء الى اهل تلا الكرام اصل فشكول من الشهداء وساكن فى شبين
اللى عندكوا عندنا يا ست الكل ..
تصورى حازم شعير بيعيد مع ضد شراره وكلهم من الحزن الوثنى .. وشراره زكيبة فلوس وحازم شعير ابن ناس .. بس لا الفلوس بتنفع تخدم الغلابه ولا ابن الناس عمل حاجه فى الدورات السابقه .
ومن اولاد السادات .. اصحاب المسرحيات .. الى بتوع الحزن الوثنى يا قلبى لا تحزن
عمو فشكول
منورني
عايز الجق ؟
قادر ربنا ياخد دول ودول
قول آمين
إرسال تعليق