الفرحة حلووووة

الحمد لله
الحمد لله
الحمد لله
مصر بقت حرة
خلااااااااااااااااص
انطلقت الحرية من ميدان التحرير لتحرر كل مصر
من الخوف والسلبية واليأس
ده أولا
بعدين
من الفساد و الظلم
من فرعون وهامان وقارون

مصر جديدة بتاعتنا احنا
مبروووووووووووووك علينا مصر الحرة الجديدة
الحرية غالية اوى
مدفوع فيها اطهر دم وانقي ارواح
هنفضل فاكرينهم ونفكر غيرنا بيهم
اللهم تقبل الشهداء
يا رب بكرة الحلو النضيف اللي يليق لنا يجي بسرعة بئي
يا رب

حد يقول للي انه بجد

تحديث
===
قلت وللا ما قلتش
كان قلبي حاسس
اه يا قفايا
_________________
هو انا لوحدي اللي خايفة اصدق انه خلاص ممكن يمشي ؟

واشوف كدة على حياة عيني مصر تانية غير مصر مبارك ؟
اه كنت طول الوقت واثقة اننا نقدر


طيب هو فيه تفسير تاني ؟ احتمال تاني ؟
يكونش خطة عشان الناس تتعشم اوى
وتفرح اوى انه خلاص هيغور
واحنا بقي نبقي ف عز فرحتنا وانفعالنا بالنصر يطلع يقول لنا هع هع هع
انا ماظهرتش ف البيان عشان كنت ف الحمام وقاااااااعد لكم يا حلوين
نقوم احنا بقي من الصدمة يجيلنا سكتة قلبية كلنا والشعب يموت
وبكدة يبقي قضي ع الثورة و خلص من الشعب كله
اه يعملها ذروة الفرحة وبعدين طراخ على جدور رقبتنا
يا لهوى ........يعملها
لا لا
يا رب يا رب يكون بجد يا رب
وتتم على خير يا رب

انا عايزة ارجع الميدان تاني دلوقت دلوقت مش الصبح

اتجمعوا العشاق...ف التحرير

الله يرحم ابويا كان عنده يقين ان ده هيحصل ف يوم وان اليوم ده قريب
وكان نفسه اوى يشوف اللي بيحصلك دلوقت
مش كنا نفوق بدري سنة ؟
يالا كله بمعاد
بس المهم ان ابويا طول عمره بيقول عنك ان جلدك تخين ومش بتحس
اه والله مسيطر اوى علي تفكيري الوصف ده
انت ليه مش قادر تقبل انك ماباقيتش رئيس شرعي لمصر
ماعندكش تمييز خالص كدة ؟
ده لو فرضنا انك كنت مهنينا ومعيشنا احسن عيشة طول 30 سنة اللي فاتوا دول يكفي اوى اللي حصل ف الحداشر يوم عشان يلغوا شرعيتك

ايه ؟ لسه مذهول من كراهية الناس ليك ؟
لا انت عارف من زمان انهم بيكرهوك بس ماكنتش متخيل ابدا انهم يقدروا يقولوها عالية ومدوية كدة
بعد سنين حاولت مع نظامك تربط الناس ف ساقية لقمة العيش وفكرت انهم اعتبروك قدرمحتوم مامنوش مهرب وان وجودك من طبائع الأشياء وان مصر مبارك

لما تمانية مليون مش ممثلين للشعب طيب ننطق لك حجارة الشوارع يعني ؟

فيه رأى حلو اوى
وانا باقلب ف القنوات امبارح بالليل مش عارفة ايه اللي جاب المحور كانت واحدة بتقول انها بتحب مبارك وعايزاه يستني قلبت بسرعة لاقيت لولو بنت اخويا (4 سنين ) بتقول لي استني يا عمتو فيه واحدة اهه بتحبه وعاوزاه حد يقول له عليها خليه يروح عندها بئا وخلاص