كلنا مجرمون ...لا استثنى احدا

بالموافقة والتواطؤ والعمالة

بالمشاركة

بالتمويل بالضرايب

بالشحاتة بالمعونات

بالغيبوبة واللامبالاة

بالصمت الذليل العاجز

بالخوف والجبن

كل طفل هيموت من الجوع هناك ولقمته هنا متحاشة ورا الجدار هنتحاسب عليه كلنا واحد واحد
كل مريض او مصاب هيموت ودواه ممنوع عنه ورا الجدار ده هنتحاسب عليه كلنا واحد واحد
كل مقاوم سلاحه فرغ وضهره اتكشف وبيواجه الصهاينة بطوله هنتسأل عليه كلنا وااحد واحد

عاوزة اعرف امكانية انه يبقي فيه قضية لوقف الفضيحة دى قضية بتوكيلات من كل واحد عنده بواقي دم وفضلة انسانية ف البلد دى
مش عارفة مين ممكن يتبنى حاجة زى كدة

شوية تواضع ياااا رب

عندى حالة استعلاء وعنتظة اجبارية
بقالي يومين مش عارفة ابص لتحت
حتى لو حاولت ابص يمين او شمال بتبئي يادوب بطرف عيني كدة

حركة غلط مش محسوبة عملتها اول امبارح ف الشغل ومن ساعتها وانا كدهو رقبتي واكتافي ونص ضهرى ف حالة تخشب مريع

بس والله جت مصلحة الحكاية دى عشان جاى لنا ضيوف مش طيقاهم فا مش محتاجة اعمل اى مجهود عشان يفهموا انى مش طيقاهم هيلاقونى باصة لهم من فوق كدة بصة مش مريحة هيمشوا على طول ان شاء الله
المهم بئي بعد كدة عاوزة ارجع تانى متواضعة بئي ماينفعش كدة خالص