عندى حالة استعلاء وعنتظة اجبارية
بقالي يومين مش عارفة ابص لتحت
حتى لو حاولت ابص يمين او شمال بتبئي يادوب بطرف عيني كدة
حركة غلط مش محسوبة عملتها اول امبارح ف الشغل ومن ساعتها وانا كدهو رقبتي واكتافي ونص ضهرى ف حالة تخشب مريع
بس والله جت مصلحة الحكاية دى عشان جاى لنا ضيوف مش طيقاهم فا مش محتاجة اعمل اى مجهود عشان يفهموا انى مش طيقاهم هيلاقونى باصة لهم من فوق كدة بصة مش مريحة هيمشوا على طول ان شاء الله
المهم بئي بعد كدة عاوزة ارجع تانى متواضعة بئي ماينفعش كدة خالص
هناك 6 تعليقات:
ههههههههه انتى دمك خفيف على فكره:)
وعجبانى الحاله دى وياسلام باه لو تجيلى مع شخصيات معينه زى اللى جينلكو كده..
هههههههههههه
ربنا يرزقك نعمه التواضع
ممكن تاخدي مرخي للعضلات :)
تحياتي
السلام عليكم
شفاكى الله وعفاكى
هيا نهاجر الان بقلوبنا الى الله تعالى
هيا نترك وراءنا الدنيا وشواغلها
هيا نهجر المعاصى والذنوب ونستقبل العام الهجرى الجديد
بتوبه حقيقيه
وعزيمه صادقه
ونيه خالصه
وامل جديد ان نغير من انفسنا
وكل عام وانتم بخير
يا حرااااااام عارفه الحركه دي انا
يا ستار دي رخمه
بس وحياة ابوكي تيجى تبصي للضيوف الى بيجولي كل يوم بقالهم يجى اسبوع عشان خلاص
انا قربت اعزل واسيب لهم البيت هما والضيوف المقيمين الى هما بيجولهم
هههههههههههههه
الف سلامه عليكى
سلامتك انا جربت الحالة دي صحيح مؤلمة لكن تمر يعني اسبوع على أكثر تقدير
يارب يعجل بشفائك ان شاء الله
تحياتي
اسفة تاننى على تأخير الردود بس على ما خفيت بقى
الشعب لابد له من حكومة تشكمه =============
ربنا يخليكى ده من ذوقك
بس بجد ربنا ما يوريكى يا اختى
كانت حالة صعبه اوى
اهلا بيكى
======================
فتاه من الصعيد
=======
انا وانتى والكل يا رب
بس يبقى اختيارى مش اجبارى زى اللى كنت فيه
ما هى اللي نفعتنى كريمات المرخية للعضلات دى الحمد لله
نورتيني
=====================
المجاهد الصغير
===========
شكرا ليك
وانت طيب وبخير
شكرا للزيارة والتعليق
======================
صبرنى يا رب
==========
الله يسلمك
يا خبر
لو كنتى قلتى بدرى شوية كنت جيت قمت بالواجب
دى طلعت بتجيب م الاخر مع الضيوف الرخمة خصوصا لو شنجتى احد الحاجبين لفوق كدههو
المرة الجاية بقي
نورتيني
=====================
خواطر شابة
========
متشكرة اوى ليكى
الحمد لله بقيت تمام
فعلا مؤلمة اوى
او انا اللى مش باتحمل مش عارفة
ربنا يخليكي
نورتيني
إرسال تعليق