تفكيري ف المناسبات الوطنية من زمان تفكير سطحي شويتين
دايما باربطها بالأجازات
ومن يجى شهرين كنت باشوف 6 اكتوبر ده هيوافق يوم ايه ف الاسبوع عشان اطمن انه مش جمعة ولا سبت وكنت مبسوطة اوى لما لاقيته ف نص الاسبوع واتفقت مع اصحابي اننا نتقابل .....أجازة بقي
أووووم إيه ............
ينزل قرار إدارى عندنا ف الشغل انه مش أجازة
قريت القرار ودخلت للمدير قلتله هو انتو وش إحتفال بالعبور بردو ؟
انتو يا دوب تحتفلو بالنكسة
وسبته مبحلق ف الفراغ ومشيت
واديني سهرانة اجهز لشغل الأجازة المأسوف عليها
انتبهت للراديو اللي شغال جنبي دايما على نجوم اف ام و أحمد يونس المذيع بيقول اننا بنفتكر الجيل بتاع 73 ببطولاتهم والتضحيات اللي قدموها وأنهم دخلو التاريخ من أشرف ابوابه و ابتدت الاغانى الجميلة بتاعة ذكرى الانتصار تتذاع
افتكرت كتاب عندى حلو اوى اسمه الناس والحرب كانت اتكلمت عنه كتير نوارة نجم ومنها عرفته ووقعت ف غرامه فعلا قد إيه الناس دول عملو حاجات تتصنف ضمن المعجزات بغض النظر انها ضاعت خلاص ,بإدينا وللا غصب عننا ,برضانا وللا بقهرنا ,مش مهم أهى ضاعت
وجبت الكتاب
وقعدت اقلب فيه والمذيع بيقول لازم جيلنا إحنا كمان يعمل حاجة تتكتب باسمه ف التاريخ و ولادنا يفتكرونا بيها ويفخرو بينا وبإنجازاتنا احنا كمان
وبيطلب مقترحات الناس وافكار المبادرات اللي هاتدخل جيلنا التاريخ بقي ونبقي راس براس مع أبطال أكتوبر
وإذ بكل الرسايل والمكالمات تقريبا ما تخرجش عن موضوعين
حرب الزبالة و حرب التحرش
تقلصت مشاريعنا القومية وطموحاتنا من العبور للنصر للعبور من صفيحة الزبالة
لاء صحيح هاندخل التاريخ
ده إحنا جيلنا غلبان أوى
يا زين ما خلفتي وربيتي يا زينب
قفلت الكتاب وشلته مكانه وقلت ابدأ بنفسي و ألحق باب التاريخ عشان بيقفلوه بسرعة ولميت ورق الشغل اللي قطعته من غيظي قبل ما التاريخ يبتدي يسجل
دايما باربطها بالأجازات
ومن يجى شهرين كنت باشوف 6 اكتوبر ده هيوافق يوم ايه ف الاسبوع عشان اطمن انه مش جمعة ولا سبت وكنت مبسوطة اوى لما لاقيته ف نص الاسبوع واتفقت مع اصحابي اننا نتقابل .....أجازة بقي
أووووم إيه ............
ينزل قرار إدارى عندنا ف الشغل انه مش أجازة
قريت القرار ودخلت للمدير قلتله هو انتو وش إحتفال بالعبور بردو ؟
انتو يا دوب تحتفلو بالنكسة
وسبته مبحلق ف الفراغ ومشيت
واديني سهرانة اجهز لشغل الأجازة المأسوف عليها
انتبهت للراديو اللي شغال جنبي دايما على نجوم اف ام و أحمد يونس المذيع بيقول اننا بنفتكر الجيل بتاع 73 ببطولاتهم والتضحيات اللي قدموها وأنهم دخلو التاريخ من أشرف ابوابه و ابتدت الاغانى الجميلة بتاعة ذكرى الانتصار تتذاع
افتكرت كتاب عندى حلو اوى اسمه الناس والحرب كانت اتكلمت عنه كتير نوارة نجم ومنها عرفته ووقعت ف غرامه فعلا قد إيه الناس دول عملو حاجات تتصنف ضمن المعجزات بغض النظر انها ضاعت خلاص ,بإدينا وللا غصب عننا ,برضانا وللا بقهرنا ,مش مهم أهى ضاعت
وجبت الكتاب
وقعدت اقلب فيه والمذيع بيقول لازم جيلنا إحنا كمان يعمل حاجة تتكتب باسمه ف التاريخ و ولادنا يفتكرونا بيها ويفخرو بينا وبإنجازاتنا احنا كمان
وبيطلب مقترحات الناس وافكار المبادرات اللي هاتدخل جيلنا التاريخ بقي ونبقي راس براس مع أبطال أكتوبر
وإذ بكل الرسايل والمكالمات تقريبا ما تخرجش عن موضوعين
حرب الزبالة و حرب التحرش
تقلصت مشاريعنا القومية وطموحاتنا من العبور للنصر للعبور من صفيحة الزبالة
لاء صحيح هاندخل التاريخ
ده إحنا جيلنا غلبان أوى
يا زين ما خلفتي وربيتي يا زينب
قفلت الكتاب وشلته مكانه وقلت ابدأ بنفسي و ألحق باب التاريخ عشان بيقفلوه بسرعة ولميت ورق الشغل اللي قطعته من غيظي قبل ما التاريخ يبتدي يسجل
وكل 6 اكتوبر وانتو طيبيين
هناك 6 تعليقات:
عرفتي ليه دلوقتي بيقولوا النكته القديمه
الراجاله ماتوا في 73
ياريتنا نبقي في ظفر من اظفارهم بس ده اخرنا نبقي هلاسين
ههههه
حرب الزباله والتحرش
حرب جيل الوكسه
تحياتي
اممم
في مناسبات تثير فينا ذكريات حزينه
وفي مناسبات تثير فينا ذكرى سعيده
تبقى هذه المناسبات من الماضي
لكن التسائل الكبير
يكمن في المستقبل :)
شئ حقا محزن ان يتحول انتصار عظيم الي مجرد يوم اجازة للنوم والوخم
وعجبي...
انتهي زمن البطولات وبقي زمن الخيانة والنخاسة
والله احنا اللى ضيعنا كل ده وعملنا فى نفسنا كده
إرسال تعليق