تمن سنين ويومين إتنين ... ونص ساعة ودقيتين
عمر برده أول ماجينا هنا ماكنتش طايقاه ومش عرفت أنام مدة طويلة بس خدت عليه وحبيته واتصاحبت مع عزة اللي قدامنا ومنى اللي جنبنا واخدت علي مقابلاتنا كل يوم إن ماكانش ف بيت حد فينا يبقي نرمي لبعض مشابك ونتقابل ف البلكونات
دى أخر ليلة هنام ف الأوضة دى شافت معايا أيام .يااااااه
هى صحيح كانت حر قوى ف الصيف بس كانت دفا ف الشتا وكمان كنت باشوف من بلكونتها القمر لما بيطع فوق بيت عزة
مش عارفة هانقل شاليات الزرع إزاى بيقولوا لما الزرع بيغير مكانه بيزعل ويدبل
بس الأوضة حلوة وهي فاضية واسعة كدة وبرحة بس فيها المرتبة ع الأرض والراديو جنبها والكمبيوتر وشنطة فيها الهدوم اللي هانمشي بيها بكرة .وباقي العفش كله اتنقل
الجيران بيقولوا هايزورونا هناك بس أنا عارفة أنهم هايتشغلوا ومش هانشوف بعض كل يوم زى الأول .....هايوحشونى أوى
ليست هناك تعليقات:
إرسال تعليق